—-

ዛሬ በተከናወነው የጊዮርጊስና የቡና ጨዋታ ላይ ለመገኘት ወደ ስታዲየም ያቀኑት የባልደረስ ስዎች እንዳይገቡ ተከልክለዋል በተባለው ጉዳይ ላይ እስክንድር ነጋን ከደቂቃዎች በፊት አነጋግሬው ነበር ።እስክንድር በወከባና በማስገደድ እስታዲየም እንዳይገቡ መደረጉን ገለፆልኛል::

 ወደ ስፖርት እና ከፖለቲካ የፀዳ ወደሚባለው ቦታ ማቅናቱን ለምን ፈለጋችሁት?  ለሚለው ጥያቄዬ እስክንድር ሲመልስ ” እኛ እዚያ የተገኘነው የጊዮርጊስና የቡና ደጋፊዎች ከግጭትና ከመራራቅ ወጥተው ወደ እንድነት መንፈስ እንዲገቡ መልእክት ለማስተላለፍ ነበር:: የቡናና የጊዮርጊስ ደጋፊዎች አንድነት ለአዲሰአበቤዊያን አንድነት አስተዋፆ አለው” ብሏል::  ከዚህ የዘለለ ሌላ የፖለቲካ አጀንዳ በእርግጥ አልነበራችሁም ወይ?” ስልም ጠይቄው ነበር:: ሲመልስም ” አልነበረንም:: እኛ ወደዚያ የሄድነው ለምርጫ ቅስቀሳ አይደለም” በማለት መልሶልኛል::