የሀረሮች የሰቆቃ ድምጽ!!! (መሳይ መኮንን)

ሀረር ላይ የነገሰው የስርዓት አልበኞች እርምጃ ላይ የጠቅላይ ሚኒስትር አብይ አህመድ መንግስት አስቸኳይ መፍትሄ ሊሰጥ ይገባል። ጊዜው የእኛ ነው ብለው የነዋሪውን የመኖር ዋስትና አደጋ ላይ የጣሉት ስርዓት አልበኞች አደገኛ መስመር ላይ ወጥተዋል። ከወራት በፊት የሀረር ሬዲዮን አግተው ለአራት ሰዓታት ስርጭት እንዳይኖር አድርገዋል። ሰሞኑን ደግሞ የውሃ መስመር ቆርጠው ሀረሮችን በውሃ ጥም እንዲሰቃዩ በማድረግ ላይ ናቸው። የቆሻሻ መጣያ ከልክለው ሀረር በከረፋ ጠረን ታጥናለች። ለአደገኛ በሽታዎች ተጋልጣለች።

ከታች በምትመለከቱት ቪዲዮ ላይ እነዚሁ ስርዓት አልበኞችና ጉልበተኞች የጭካኔ እርምጃ በመወሰድ ላይ መሆናቸውን አንዲት እናት ምስክርነታቸውን ይሰጣሉ። ይህ አዝማሚያ ጥሩ አይደለም። ሀረር የፍቅር ከተማነቷ ታሪክ ሆኖ ቀርቷል። የመቻቻል ደሴትነቷ ስም ብቻ ሆኗል። በስጋትና በፍርሃት የምትናጥ፡ የጎረምሶች መፈንጪያ ሆና አርፋለች። የጠ/ሚር አብይ መንግስት ለእነዚህ እናቶች ድምጽ ምላሽ ይሰጥ ዘንድ እንጠይቃለን።

—