አገሬ ስለአንድ የዜጋው ነፍስ የሚጨንቅ መሪ አገኘች
እናት ሐሊማና ጠቅላይ ሚኒስቴር ዶር አቢይ ወግ !
* ለፈጣሪ አምላክ ምስጋና ይድረሰው !
ነቢዩ ሲራክ
ብርቱ ናት የምላችላሁ እናት ሐሊማ ለገንዘብ ሰብዕናዋን ሽጣ ለልጇ ፍትህ መከበር ስለ እውነት ቃል እምነቷን ሳታዛንፍ 13 አመት በመከራና ስቃይ ተጓዘች … በ13 ኛው አመት ጠቅላይ ሚኒስትር ዶር አቢይን አገኘች …እውነቷን ዘርግፋ አጫውታቸው ፣ ዶር አቢይም “እህ ” ብለው መስማት ያውቃሉና እናት ሐሊማን አዳመጧት !
በመጨረሻም ” አይዞሽ በልጅሽ ጉዳይከልዑላኑ ጋር ተነጋግረናል ፣ አስፈላጊው ካሳችሁ ተከፍሏችሁ በቅርቡ ወደ ሀገር ትገቡ ዘንድ ስምምነት ላይ ተደርሷል ! ” የሚል የደስታ ብስራት እናት ሐሊማን አበሰሯት 🙂 እናማ እናት ሐሊማን ስቃ ፈንድቃ የደስታ እንባ እያጎረፈች ተሳሳምን !
እናንተ ሰብዕናን ያስቀደማችሁ የብላቴናው አጋሮች ሆይ ድሉ የሁላችሁም ነው ! ምስጋናውም ለእናንተ ነው ! ሀገሬ መሪ አግኝታለች ፣ የዜግነት የላቀ ክብሩ የተሰማኝ ታላቁ አርብ
ጁምአ የፍትህ ዘመቻችን 13 ኛ ሳምንት ስኬት ምክንያቱ ብርቱው የእናት ሐሊማ ጽናትና የእናንተ አጋርነት ነው !
ጠቅላይ ሚኒስትር ዶር አቢይ አህመድንና ዶር ወርቅነህን ደጋግሜ አመሰግናለሁ !
ለዚህ ደስ የሚል ቀን ላደረሰን ፈጣሪ አምላክ ምስጋና ይድረሰው !
ግንቦት 10 ቀን 2010 ዓም