አዳነች አበቤ ከፍተኛ የህዝብ ተቃውሞ ገጠማቸው... ህዝቡ ከአዳራሽ ጥሏቸው ወጥቷል...!!! (ባልደራስ)

---

 

/

ገዥው ፓርቲ ብልጽግና ከጉባኤው በኋላ ከነዋሪዎች የሚነሱ ጥያቄዎችን እንመልሳለን በሚል የአዲስ አበባ ከንቲባ የሆኑት አዳነች አበቤ ከፍተኛ ተቃውሞ ገጠማቸው፡፡ከንቲባዋ በኮልፌ ቀራኒዮ ከሕዝብ ጋር ለመገናኘት ሞክረው፣ ሕዝቡ በተቃውሞ አዳራሹን ለቆ የወጣ ሲሆን፣ ከአዳራሹ ባሉ ፖሊሶች አስገዳጅነት እንዲመለስ ተደርጓል፡፡

ከንቲባዋ ከተመረጡ ደጋፊዎቻቸው ብቻ የመወያየት እቅድ የነበራቸው ቢሆንም፣ ሾልከው ከገቡና አዳራሽ ጥለው ለመውጣት ከሞከሩት የከተማዋ ነዋሪዎች  ከተነሱት ተቃውሞዎች መካከል፣ በግፍ የታሰሩት የአዲስ አበባ ወጣቶች ከእስር እንዲለቀቁ፣ በከተማዋ አስተዳደር ውስጥ ዘረኝነትና ሙስና እንደሰፈነ፣ የኑሮ ውድነት የከተማውን ሕዝብ እያሰቃየ ነው የሚሉት ይገኙበታል፡፡ በዚህም ሳቢያ፣ “መንግሥትና ሕዝብ ሆድና ጀርባ ሆነዋል”ተብሏል፡፡ 

* “መበልፀግ ጥሩ ነው። ነገር ግን መጀመሪያ ከዘረኝነት ውጡ! ይህንን ራስ ምታት የሆነ የክልል አወቃቀርም አሻሽሉ! ባንዲራችንንም አክብሩ!” – አርቲስት አበበ ወርቁ

እንደሚታወቀው፣ የአዲስ አበባ ሕዝብ ከአስተሳሰቡና ከፍላጎቱ ውጭ የተጫነበት የከተማዋ አስተዳደር ከቅርብ ጊዜ ወዲህ እየሄደበት ያለው መንገድ በእጅጉ እያሳሰበው ይገኛል፡፡ በተለይ የገዥው ፓርቲ ከህወሓት ጋር የመታረቅ ተስፋው እየለመለመ በሄደ ቁጥር፣ በከተማዋ ነዋሪ ላይ የሚያደርገው ዘረኛ ተፅዕኖ እየበረታ በመሄድ ላይ ይገኛል፡፡ ለዚህም እንደ ዋነኛ መገለጫዎች መካከል፣ በአዲስ አበባ የመንግሥት ት/ቤቶች የኦሮሚያ ክልል ባንዲራን መስቀል፣ ትክክለኛውን የኢትዮጵያ ሰንደቅ አላማ ህገ-ወጥ ነው ብሎ ክልከላ ማድረግ፣ የአዲስ አበባ ወጣቶችን እንደ ጠላት በማየት በአፈሳ ለጅምላ እስር መዳረግ፣ በከተማዋ መስተዳድር ውስጥ ያለው ዘረኝነት መባባስ ይገኙበታል፡፡