ሕግ ህግ ነው!! ሕግ መከበር አለበት!!! (ቬሮኒካ መላኩ)

 ጠቅላይ ሚኒስትሩም ለራሱ ዋስትና የሚሆነው ህጉ እንጅ ቡድኖች አይደሉም።ጠ/ሚ ዶ/ር አቢይ አህመድ አዲስአበባ የተቋቋመችበትን ቻርተርና ህግ በቡልዶዘር  ጠርምሶ ህጉን በቀይ እስኪብርቶ እየሰረዘ ነገ በቴሌቪዥን መጥቶ እኔን  “ህግ ይከበር ፣ ህግ አክብሪ! !”  የማለት የሞራል ብቃት የለውም።

…

ወይም ለይቶለት እንደ ፊውዳል ዘመን የአውሮፓ ነገስታት እንደ እነ ንጉስ ሊዊ  ዶ/ር አቢይም በይፋ ወጥቶ ከዛሬ ጀምሮ “I am the constitution “, ” I am the Charter!” ,” I am the law !” ይበለንና ቁርጡን አውቀን ፊናችንን እንለይ ።

በተረፈ ህግ የሚጥሱትን በህግ እንጠይቃለን ፣ሌባን እናስራለን”  እየተባለ  አዲስ አበባ መመስረቻ ህግ ሲጣስ የአዲስ አበባ ቁልፍ ሲሰረቅ ዝም ማለት የመርህ ሰው አለመሆን ነው።

…

 እነ ማንደላን እያደነቁ ፣ እነ መሀተመ ጋንድን እያወደሱ ፣ ስለ እነ ሶቅራጥስ  የሞራል ልእልና ለአርቲስቶች እየሰበኩ  በጎን ተቃራኒውን ሆኖ መገኘት ስሁት ነው ።

…

ጠቅላይ ሚኒስትሩ የሚያደንቀው አርቲስቶችን ሰብስቦ ስሙን ሲጠቅሰው የነበረው ሶቅራጥስ  በገዥዎች ታስሮ  የሞት ፍርዱን በሚጠባበቅበት እስር ቤት ውስጥ  እያለ ተማሪዎቹ እስር ቤቱን ሰብረው ገብተው ” ና ውጣ!  ከሞት ተርፈሃል ፣ ከአቴንስ የምትወጣበትንም ጀልባ አዘጋጅተናል ”  ሲሉት  ምን አለ?

…

ሶቅራጥስ እንደዚህ አለ… ” በግሪክ ህግ ተወልጄ ፣ በግሪክ ህግ ልደቴን አክብሬ ፣ በግሪክ ህግ አግብቼ ፣ የግሪክን ህግ ተቀብዬ ኖሬ  በግሪክ ህግ ሞት ሲፈረድብኝ ለማምለጥ ከሞከርኩ ምኑን ሶቅራጥስ ሆንኩኝ? ” በማለት ከእስር የማምለጥ ሙሉ አቅም እያለው እኔ ኖሬ ውሸት፣ ህግ አልባነት  ከሚነግስ እኔ ሞቼ እውነት ትሩር ፣ብሎ በግሪክ ህግ የተፈረደበትን  የሄሞሎክ መርዙን  ጠጥቶ እና እያሰበ ወደ ዘላለም ዝምታ ነጎደ .።

…

ህግ ካላከበርን ፤ ፍትህና እና እውነት ካልተከበሩ ለዘረኝነት ዘረኝነትማ መለስ ዜናዊ አልነበረም እንዴ?!

አሁንም እንደቃልህ ሆነህ ህግን እስክታከብርና ወደ ትራክህ እስክትመለስ እየጠበቅንህ ነው።