መነበብ ያለበት የመምህር ዘመድኩን በቀለ ርዕሰ አንቀጽ!

 • ቆየት አለና አቢይ አሕመድ በጓሮ በጓዳ በኢትዮ ፎረሞች በኩል እና በጎጃሜው ጌትነት አልማው በኩል በስሱ ሲበጠርቅበት የነበረውን አሰብ፣ ቀይባህር የሚለውን ወሬ በስንት መከራ ፊት ለፊት አመቻችቶ አመጣው። ነገሩ አሁንም ግልጽ አይደለም ግርማዊ ቀዳማዊ አፄ ኃይለ ሥላሴ ስለዓባይ ግድብ እንደተናገሩት እሱም “እኔ አቅም የለኝም ልጆቻችን ግን ያስመልሱታል፣ ወይ ደግሞ ከህዳሴው ግድብ፣ ወይ ከአየር መንገዱ፣ ወይ ከቴሌ ሼር ይውሰዱ የሚል የጦርነት ሳይሆን የጠረጴዛ ዙሪያ ውይይት የሚመስል ሰበካ እና ቱሪናፋውን ነው የነፋብን። ግሪሳውም ነገሩ ሳይገባው ግርር ብሎ “ገላነ ዲማ፣ አሰብ ቀይባህሪ” እያለ ሲያላዝን ዐማራው ግን የሱዳኑ አዚም ለቅቆታልና “ኬሬዳሽ እንኳን ደሜን ጠብታ ውኃ አላፈስም፣ እንዲያውም ሥራ ላይ ነኝ” ብሎ ወገመ። የሚያስቀው የኦነግና የትግሬ አክቲቪስቶች ዐማራን በኢትዮጵያ ጉዳይ ባንዳነት ከሰው እንደለመዱት ይሰድቡት አፋቸውንም ሲከፍቱበት መታየታቸው ነው። ኦሮሞ ነፃ አውጪና የትግሬ ነፃ አውጪዎች ዐማራን በኢትዮጵያዊነት ሲከሱት ይታያችሁ። ሼምለሶች… ጀመር። ሃሃሃ

“…እዚህ ጋር ካስታወስን በአሁኑ ትግራይ ጦርነት ግዜ ጁንታዋ ዐማራን የወረረችው ከተሞችንም የተቆጣጠረችው መጀመሪያ ከኤርትራ ጋር ጦርነት ልገጥም ነው በሚል አስወርታ ያንን ዘዴ ተጠቅማ ነበር። ከዚያ ዐማራው ሲዘናጋ ከኤርትራ ጋር ነው የምትዋጋው ብሎም ራሱን ጥሎ ዘጭ ብሎ ሲተኛ ሰርጎ ገብ አስገብታ፣ እንደከፍት እየነዳች ከከተሞቹ አስወጣችው። በዚያን ጊዜ ደግሞ ይነስም ይብዛም ዐማራ እንደ አሁኑ ራሱን በራሱ ማስተዳደር አልጀመረም ነበር። መከላከያውንም እንደ አጋር ነበር የሚያየው። መከላከያው ሲፈረጥጥ ዐማራም መኬን ተከትሎ ከመፈርጠጥ ውጪ ሌላ አማራጭም አልነበረውም። አሁን ግን ብአዴን የለም። የዐማራ ልዩ ኃይል፣ ፋኖ እና ሚሊሻው ነው በክልሉ አዛዡ። መከላከያም በዐማራ በጠላትነት ተፈርጆ እየተለጠለጠ ነው። ለውጥማ አለ። አሁን ብአዴን የለም። አዛዡ ራሱ ዐማራው ነው።

“…ስለዚህ ይሄ አሰብ የሚለው ገተት ዲስኩር የህውሓትም ሴራ ነው ማለት እንችላለን። ኢሳይያስም ከአቢይም ከወያኔም ተመካክረው የጋራ ጠላት ለመምታት፣ የውስጥ ችግራቸውን ለማስተንፈስም ነው ማለት እንችላለን። ብርጌን ነሀመዱ ቀላል ኢሱን ረብሾታል መሰላችሁ? በተለይ ጻድቃን ገብረ ተንሳይ እንዲህ ብሎ ነበር ወዘተ እየተባለ ከበሮ ሲደለቅ እንዴት ህውሓት በኤርትራ የተያዘባት በመሬቱ ካለ በጉዳዩ ላይ ዋይ ዋይ አላለችም? መሬቷን ከሻአቢያ እጅ ከማስለቀቅ ይልቅ እንዴት የአቢይን የቀይ ባሕር ዲስኩር ተቀብላ አሰብ አሰብ ብላ ለመጮህ  በረታች? ስለ በጌምድር እና ወሎ መሬቶች እንዲህ ከሆነች? ገና ለገና አሰብ ተመልሶ፣ ከዚያም በጌምድርን አገኛለሁ የሚል ትእግስትስ ከየት አመጣች? አቢይ ኤርትራን አይወጋም እንጂ ቢወጋም ለምዕራባውያን ቤዝ፣ ምድሪቱን በእምነት እስላምና ጴንጤ በማድረግ የኤርትራ ኦርቶዶክስ ቤተክርስቲያንን ሊያጠፋና ሊያወድም፣ በኦሮሚያ፣ በደቡብ፣ በሶማሊያ፣ በቤኒሻንጉል፣ በዐማራና በትግራይ እንዳደረገው እንደ ልማዱ የኤርትራን ትግሬዎች ሊያርድ ካለሆነ በቀር ሌላ ምን የሚያደርግ አይመስለኝም።

“…ስናጠቃልለው አሁን ዐማራ በጀመረው መንገድ በነፃ መሬቶቹ ላይ ተመጣጣኝ ኃይል ማዘጋጀቱን መቀጠል አለበት። ወታደራዊ ሥልጠናም በዐማራ ልክ እንደ እስራኤል ግዴታ መሆን አለበት። ሰውን ማንቃትም እንዲሁ ግዴታ መሆን አለበት። በየግዜው ስለ አሰብም ሆነ ቀይ ባሕር ከአቢይ ጋር እንካሰለንቲያ መልስ መሰጣጠቱን ትቶ የራሱን ሥራ ወጥሮ መሥራትም አለበት። እንበልና በዚህ በአሰብ ጉዳይ እነ አቢይ አሕመድ እየገፉበት ከሄዱ እንኳ በሻአቢያ ቢሸነፉም ባይሸነፉም የዐማራ ፋኖ በየሚዲያው መከላከያውን እየማረከ ማሳየቱን በመጥቀስ ፋኖ ባንዳ ነው። ኢትዮጵያ ለወደብ ስትዋጋ እሱ ከኋላ እየወጋን ነው በማለት ከፍተኛ የድሮን እና የአየር ድብደባም በማራ ክልል ውስጥ ማድረጋቸው ስለማይቀር ሁኔታውን አይቶና ተመካክሮ ፋኖ አሁንም የመማረኩን እና የመደምሰሱን ጀብዱ፣ ትጥቅና ተተኳሽም ወደ ክልሉ ከሚገባው የጁላ ሠራዊት መረከቡን አጠናክሮ መቀጠል አለበት።

“…ዐማራ ኢሳያስንም ቢሆን አጋሬ ነው ብሎ በሙሉ ልቡ ማመን የለበትም። ሻአቢያን በአንድ አይኑ እየጠበቀ፣ ወያኔና እና ኦሮሙማውንም እየመከተ የራሱን ፖለቲካ ነው መሥራት ያለበት። ግንቦት ሰባት ለትግል ነው የገባው ብለው ኤርትራ የሄዱ የግንቦት ሰባት የዐማራ ልጆች ጦርነት በሌለበት በሻአቢያ እስኳዶች እየተደፉ መሳይ መኮንን የአዞ እንባ እያነባላቸው ደመከልብ ሆነው እንደቀሩ ማስታወስ አስፈላጊ ነው። ሻአቢያ ኦነግን ከነመሳሪያው ወለጋ ወስዶ እንዳሰፈረውም ማስታወስ አስፈላጊ ነው። ከዚያ ከብልፅግና ወያኔ ጓዳ እንደ ጉድ የሚጎርፈውን የወያኔና የኦሮሙማውን አጀንዳ ኢግኖር መግጨትም ያስፈልጋል። እነሱ ስለ አሰብ ሲያወሩ እናንተ ስለ ወለጋና ሸዋ ማውራት፣ ሲሳይ አጌና ተሸለመ ሲሏችሁ እናንተ ስለ ጋሽ አሰግድ፣ ስለ እነ ጋሽ መሳፍንት ማውራት መተረክ። ከወደ ብልጽግና የሚመጣ አጀንዳን ከምር አለመቁጠር። ዮኒ ማኛን ሰምታችሁ አለማበድ፣ ሞጣ ቀራኒዮ ቤት ገብታችሁ አለመሸርሞጥ፣ በኢቢኤስ፣ ኢቢሲና ፋና ድራማዎች፣ የሙዚቃና የአዝማሪ ውድድር አለመዛግ። በየመንግሥት ፔጆች ሁሉ ገብታችሁ በቀን አንዴ ፋኖ ያሸንፋል። ድል ለዐማራ ፋኖ ብላችሁ ጽፋችሁ መውጣት። እንዲህ በማድረግ ብልጽግና የተባሉቱን በሙሉ የኮመንት መስጫ በራቸውን እንደ ዳንኤል ክብረት እና መሳይ መኮንን ከርችመው ብቻቸውን አሞሌ ጨው፣ ጃርት፣ አማሌሌሌ እያሉ እንዲዘፍኑ ማደርግ። ሃላስ… እኔ ዘመዴ ደግሞ አንድ ጊዜ አሸበርቲ ተብዬ የለ ሳልታክት ቀኝ ትከሻዬን የሸከከኝን በሙሉ እብድ እብድ በመጫወት እና በትምሮ ኔፓ ሙድ መሰገጥ። አከተመ። ወጥር ዐማራ…!