admin

‹‹ልዩ ኃይል›› ማፍረስ የሚለውን የቅጥፈት ማደናገሪያ ትተን ጭራቁንና አገዛዙን ደምስሶ የዐምሐራውን ሕዝብ ህልውና እና ኢትዮጵያን መታደግ ቀዳሚ ዓላማችን ይሁን!!! የዐምሐራው ትግል የሚከሽፈው ጭራቁን ዐቢይ እና...

አንድም ሶስትም ፡ የኢትዮጵያ ጠቅላይ ሚኒስትር እና የ 2012 ዓ.ም የኖቤል የሰላም ሽልማት ተሸላሚው የዐብይ አህመድ ሰልስቱ ማንነቶች (ዐብይ ሰባኪው ፤ ዐብይ ተዋኒው...

Systemic starvation as a political tool: The jerry-can Protest case in Guraghe, Ethiopia By Desalegn Birara* Introductory Discussion  Ethiopia is one of the countries with federalist...

እንኳን ለኢትዮጵያ ትንሣኤ ዋዜማ አደረሰን!! ዳግማዊ ጉዱ ካሣ የመጨረሻ ተጋጣሚዎቹ ሁለት ኮርማዎች በግልጽ ሜዳ ተጋጥመዋል፡፡ ፉርሽካውና የተመጣጠነው መኖ ቀርቶበት ደረቅ ሣር እንኳን እንዳይግጥ አፉን ተለጉሞ ከ50...

እንዴት ለዚህ በቃን?---ገዥዎቻችንስ እናውቃቸውለን ወይ? የማንኛውም ትግል መሰረት የገዥዎችን ማንነት፣ መነሻና መድረሻ ብሎም ዓላማ ማወቅና፤ ገዥዎች ሥልጣን ላይ ለመቆየት፤ ለነጻነትና ለአንድነት የሚደደረገውን ትግል  ለመቀልበስ የሚጠቀሙበትን ስልትና  አጀንዳ ማክሸፍ ነው። ገዥዎችን ለመታገልና ለድል ለመብቃት ደግሞ  በትግሉ ዓላማ ማመን፣ በራስ መተማመን፡ መደራጅትና ብቃት ያለው መሪ መፍጠር  ብቻ ሳይሆን ለመሰዋአትነት መዘጋጀት የግድ ይላል። ለምሳሌ የኢትዮጵያ የዘመኑ ገዥዎች   ወያኔዎች ''ትግራይ ሪፕብሊክ''  ኦነጋዊ- ብልጽግና ደግሞ ''ኦሮሚያ'' የምትባል አገር ለመመስረት  የሚጠቀሙት፤ ኢትዮያዊነትንና አማራነትን ፤ ሲያስፍልጋቸው ነጥለው፤ ከላያ ደግሞ ጨፍልቀው ያጠቁታል።  ኦሮሞን ከአማራ ፤ አማራን ከትግሬ፤ አማራን ከሊሎቹ ነገዶች ጋር፤  ከፋፍለው  ያለ-ስም ስም እየሰጡ፤  በህዝቡ ዘንድ ባይሳካላቸውም ''ምሁር'' ነኝ የሚለውን  ርስ-በርስ ያባሉታ።  አንዳንዴም  ስለ አንድነትና ስለ እኩልነት እየሰብኩ፤ በተግባር ግን በኢትዮጵያና በኢትዮጵያዊነት ላይ ሁለገብ ጥቃት ይፈጽማሉ። ለአገዛዛቸው ኢ-ፍታዊነት ጥያቄ ሲቀርብላቸው  መጣንበት ለሚሉት ጎሳና መንደር ተቆርቋሪ በመምሰል  ''ሊያጠቁህ ነው! አንተን ስለሚጠሉህ ነው!''  በሚል ህዝብን ለማጋጨትና ልዮነት ለመፍጠር በየመድረኩና በብዙሃን  መገናኛዎች ሌት-ተቀን ይለፍፋሉ። ስለዚህ ለኢትዮጵያዊነትና ለኢትዮጵያ፤ ለእኩልነትና ለዜጋዊ ፓለቲካ ቁሚያለሁ ወይም እታገላለሁ የሚለው ፤ የገዥዎቹን ማንነት በቅጡ ስይረዳና በጎሰኞች አጀንደ እየተጠለፈ፤  መርህና ጽናት አልባ በመሆኑ፣ እስከ አሁን ትግሉን አቅጣጫ የሚያሲዝ ድርጅትም ሆነ መሪ ማፍራት ስላልተቻለ፤  የወያኔንና የኦነጋዊ-ብልጽግና  የቤት ሥራ እየተቀበለን፤  በስሜትና በሆሆታ በመንጎድ ፤ እነሱ  በቀደዱልን ቦይ  እየፈሰስን፤ አሁን ካለንበት  አጥፍቶ የመጠፋፋት  ገደል ጫፍ ላይ ደርሰናል። ባለፋት ዓመታት ገዥዎቻችን ኢትዮጵያንና ኢትዮጵያዊነትን የማዳከምና ህዝብን የመከፋፈል ሴራ  ከፋሽስት ጣሊያን የአምስቱ ዓመት ወረራ  የቀዱትን እስከ  አሁኗ ሰዓት ድረስ እየተጠቀሙበት ይገኛል።  እንደ ምሳሌ ግራዚያን  ለሙሰለኒ የጻፈው ደብዳቤ፣… '' ለእኛ ለጣሊያኖች  የአቢሲኒያን ምድር ቅኝ እ'ዳንገዛ እንቅፋት የሆኑትና  የሚታገሉን፤ 1/ ምሁራን =>  ልብ ካለን… … እንደ አሁኑ ምሁር ዘርና ጎሳ የለውም፡፡ እንደ አሁኑ በገንዝብ የተሸመተ የምስክር ወረቀት የለውም።  ኢትዮጵያ አገሩ ነች። የኢትዮጵያ ህዝብ ሁሉም እኩል ሰውና ወገኑ ነው። 2/አማራ => ልብ ካልን  …መለስ ዜናዊ  ሳይከልለውና  ለከለለው ክልል ''አማራ'' የሚል ስም ሳይሰጠው ፤ በዘመኑ  አልገዛም ያለና  በመንግሥታዊ አስተዳደር  በመላው ኢትዮጵያ ውስጥ ያለው ሁሉ ዜጋ አማራ ነው።   ለዚህ ደግሞ የአቶ አሰፋ ጫቦን መጸሃፍ ''የትዝታ ፈልግ'' ማንበቡ በቂ ነው። 3/ የኦርቶዶክስ ሃይማኖት => ልብ  ካልን---- የኦርቶዶክስ ሃይማኖት በኢትዮጵያ ውስጥ ለሺ ዘመናት የቆየ ተቋም በመሆኑና የህዝብን አንደነት ያለምንም ልዩነት በማስተሳሰሩ፤ እንደ ፋሽስቶች፤ በዘመኑ ገዥዎቻችንም ዘንድ እንደ ጠላት በመቆጠሩ ፤ መዳከምና መጥፋት አለበት ተብሎ ተወስኖበት እየተሰረ ነው። ለዚህም ነው ''የኦሮሚያና የብሔር-ብሔረስቦች ሲኖዶስ '' የተቋቋመልን። በነገራችን ላይ ይህ  የኦርቶዶክስ  ቤተ-ክርስቲያንን አቅም ለማወቅ የተደረገ ሙከራ፤  የኦነጋዊ ብልጽግና ከወያኔ ጋር  የትግራይን ኦርቶዶክስ  ለመነጠል    የታቀደ   የጠ/ሚ አብይ ''ሳይንሳዊ የመጀመሪያ የሙከራ  ጥናት''  ነው። ቀጣዩን አጀንዳ ወደ ፊት የምናየው ይሆናል።  4ኛ/ የኢትዮጵያ  አርንጓዲ፣ ቢጫ፣ ቀይ፤ ሰንደቅ ዓላማ ለጣሊያኖች  የኢትዮጵያዊያን ጥብቅ የአንድነት ምልክት  መሆኑን ስለተርዱ ፤ ባገኙበት ቦታ ሁሉ ያቃጥሉትና ይዞ የተገኘውንም ዜጋ አይቀጡ ቅጣት  ከመቅጣት አልፈው ይገሉም ነበር። ልብ - እናድርግ  ጣሊያን ቢያደርገው አይደንቅም ፤  ወያኔና ኦነጋዊ ብልጽግና  የእንድነታችንና ለኢትዮጵያዊነታችን ምልክት ለሆነው  ሰንደቅ ዓላማ ያላቸው ጥላቻ በርግጥም ከጣሊያን ይበልጣል።   በቀሚስ መልከ የለበሱ እናቶችና አንገታቸው ላይ በማተብ መልክ ያስሩ ወገኖቻችን የህይወት መሰዋትነት ከፍለውበታል።   እየከፈሉም ይገኛሉ። ለዚህም ነው ካለፈው ታሪካችን በመነሳት  ዛሬ ላይ በርግጥ '' እንዴት ለዚህ በቃን? ጠላቶቻችን  እናውቃቸዋለን?'' በማለት  ለመጠየቅ የተገደድኩት።  ታዲያ የጣሊያንን ወረራ  የቀለበሰውና ጠራርጎ ሙጃ እያስበላ ያባረረው፤  አርበኛው ታጋይ መጀምሪያ የጠላቱን ማንነት በመገንዝቡና የተጠቀመበት የከፋፍለህ ግዛው ስልት በማክሸፋ ነው።  ለምሳሌ እንደ  አሁኑ ዘመን   ''  አማራ ታርደ! አማራ ተሳደደ! ኢትዮጵያን አፈረሷት! ኦርቶዶክስን ከፋፈሉት፡ መስጅዱን አፈረሱት፡ ቤት-ክርስቲያን ነደደ! የሚያደራጀን አጣን! ወዘተ -----'' እያለ እያላዘነ ሳይሆን፤  መንግሥት በሌለበት፣  ራሱን በራሱ አደራጅቶ፣ መሪና ተመሪ ሆኖ፣ ቤት ንብራቴ፣ ልጀ-ሚስቴ ሳይል፣ ለህይወቱ ሳይሳሳ፣ በመላው አገሪቱ ያለው ዜጋ፤ ተጠራርቶና ተናቦ ፤ ጎሳና ሃይማኖት ሳይለያየው፤ በዱር በገደሉ ስለተጋደለና ተዋርዶ ከመኖር በክብር መሞትን ስለመረጠ  ነው። የትላንትናዎቹ ወያኔዎችም ሆኑ የአሁኖቹ ባለተራ  ብልጽግናዎች  የሁለቱም ዓላማ ከቻሉ ህዝብን እያባሉ  መግዛት፤ ካልቻሉ  ደግሞ በየፊናቸው በኢትዮጵያ ፍርስራሽ ላይ እነሱ የሚገዙት አገር ማዋለድ መሆኑ፤ አሁን  ያለበትና የሚሰሩት  ሴራ  ገሃድ አድርጎታል። ታዲያ ከዚህ ላይ መሰመር ያለበት  ወያኔ ፤ ወያኔ እንጅ በምንም መስፈርት ቢሆን የትግራይን ህዝብ እንደማይወክል ሁሉ፤ ባለተረኞቹም ኦነጋዊ -ብልጽግናዎች  በኦሮሞ ስም ስልጣን ይዘውና በስሙ ይነግዱበት እንጅ ፤   የኦሮሞን ህዝብ ፍላጎትና ስብዕና አይወክሉም። ትላንት ወያኔ   በየጎሳው በመለመላቸው በምስለኔዎች  እየተጠቀመ እንደ ገዛ ሁሉ፤ ኦነጋዊ ብልጽግናዎችም፤ እንደ ጡት አባታቸው  ተመሳሳይ መንገድ ተጠቅመውል።  በ'ርግጥ የአማራ  ምስለኔዎችን  የተለዩና ከሰው ልጅ የተፈጥሯዊ ባህሪ  ውጭ የሚደርጋቸው፤  በጠላትነት ተፈርጀው ሳለ ''ጠላቶች ነን'' ብለው ተቀብለው፤  የገ'ዛ ወገናቸውን ማረዳቸውና ማሳረዳቸው ሲሆን፤ ነገ ልጆቻቸውና የልጆቻቸው አገር አልባ እንድሚሆኑ እያወቁ''የህዳር እህያ'' መሆነቸው ነው። ወያኔና ኦነጋዊ-ብልጽግና  የአንድ ሳንቲም ሁለት ገጽ የሚያደርጋቸው  ''አማራ -ኢትዮጵያ '' በሚሉት ህዝብ ላይ ያላቸው ዓመለካከትና የሚፈጽሙት ግፍና በደል ብሎም ፤ ከሌላው ወገኑ ጋር በጠላትነት እንዲፈረጅና  የዘር ማጽዳት እንዲፈጸምበት ህግ-መንግሥት አርቅቀውና  መዋቅርና  ዘርግተው ጠንክረው መስራታቸው   ነው።    ከዚህ ላይ  በመቶ ሺዎች ከጨረሰውና ሚሊዮኖችን ቤት አልባና ተፈናቃይ ካደረገ የሁለት ዓመቱ  ጦርነት በኋላ ፤   እንዴትና በምንስ ተዓመር ነው  ''የመቀሌው ወያኔና የአዲስ አበባው ብልጽግና ''  ሰላም ያወርዱት፤  ብሎ የሚገረም ካለ፤   የጠ/ሚ አብይ አህመድ አገዛዝ  ከአራት ዓመት በፊት  ''ለኦሮሞ ነጻነት  እንታገላለን '' የሚሉትን ድርጅቶችና ፓርቲዎች በሚስጢር   ናዝሪት ላይ ሰብስቦ  እቅዱን  ያስተዋወቀብትን ለግንዛቤ ያህል ከዚህ ላይ ማንሳቱ እስፈላጊ  ነው። መልዕክቱ ሲጨመቅ ፤ ''- የምንሰራው ስራ ሳይንሳዊ መሆን አለበት። ለምሳሌ እናንተ የፊንፊኔን የባለቤትነት ጉዳይ ታነሳላችሁ። እዎ!  ፊንፊኔ የኦሮሚያ  ነች። ይህ ግን በስራ እናሳያችኋለን። ዲሞግራፊዋን እንዲት መቀየር እንዳለበት በሚቀጥሉት ሶስትና አምስት ዓመታት ውስጥ  በተግባር እናሳያለን። ግን የምንናገረውንና  የምንሰራውን ማደባለቅ የለብንም። ሌላው ኦሮሚያ በኢትዮጵያ ላይ የምትመሰረት አገር እንጅ፤ እንናንተ እንደምትሉት ከኢትዮጵያ  የምትገነጠል አይደለችም። ግንድ- እንዴት ከዛፋ ይገነጠላል?---እኛ ኦሮሞች ግንድ ነን። ስለዚህ  የኦሮሚያ አገር ምስረታ በኢትዮጵያ ላይ ነው። ይህ ደግሞ ግዜ የሚያስፈልገውና ከትግራይ ክልል ባለሥልጣትናት ጋር ያለውን  ችግራችን መፍታት አለብን ። 'በስትራተጅ ' ደረጃ ከእኛ ጋር  ናቸው። ግን የእኛን የበላይነት መቀበል አለባቸው።  ለዚህ ግን  አሁን ባላቸው ኃይል  የሚቀበሉት አየሆንም። ስለዚህ  ወደ ጦርነት መግባት ካለብንም- እንገባለን። ምክንያቱም ጦርነት የሚደረገው በአማራ ክልልና  በትግራይ መሃከል ነው። ሁለቱም ሲዳከሙ እኛ የበላይነታችን ይረጋገጣል። የትግራይ ክልልን ዓላማ እናውቃለን። ስለዚህም  ህዝባዊ አርነት ትግራይ  እኛ እስከ አለን ድረስ ፤ ከምንፈልገው ግብ ሳንደርስ የአማራ ክልል ከአንገቱ ቀና የሚልበት ምክንያት የለም።  ሌሎቹ ክልሎች ከእኛ  አይወጡም። ማንኛውም የመንግሥት መዋቅር እኛ በምንፈልገው መንገድ ይዋቀረል።   ማንኛውም ትግላችን ሳይንሳዊ መሆን አለበት።-----'' ለዚህም ነው  ዛሬ የአማራን ልዩ -ኃይልና ፋኖን ከጥቅም ውጭ ለማድረግ የኦነጋዊ -ብልጽግና አገዛዝ ከወያኔ ጋር ተሰማምቶ የወሰነው።  እውነቱን እንነጋገር ከተባለ ላለፋት ዓመታት  ለያይተውና ከፋፍለው እንዲያጠቁን   ለወያኔም ሆነ ለኦነጋዊ ብልጽግና ተመቻችተንላቸዋል።  ለዚህም በእኔ እምነት አንደኛውና ዋናው ሰለ ገዥዎቻችን ማንነት በቂ ግንዛቤ አለመኖሩና በኢትዮጵያዊነት ስም የተደራጁት  እንደ ኢዜማ ያሉት ፓርቲዎች የፈጸሙት ክህደት  ነው። በርግጥ  የወያኔንና የበኩር-ልጁን ኦነጋዊ ብልጽግናን   ለኢትዮጵያና ለኢትዮጵያዊያን ያላቸውን ጥላቻና ጭካኔ ሰው ሆኖ በማሰብ ሊደረስበት አይችልም።  እንደ ምሳሌ ግን   ወያኔ የተገደሉበትን   የራሱን የጦር ጀኒራሎች ሬሳቸው ተግኝቶ ማንነታቸው እንዳይታወቅ ከአንገታቸው በላይ  ቆርጦ መውስዱ፣  የ75 ዓመት መነኩሴ መድፈሩ፣ የማይካድራውን እልቂት ፣ ወዘተ--- ፤ ኦነጋዊ - ብልጽግና በወለጋ  የነፍሰ ጡር ሆድ ቀዶ ጽንስ ማረዱን፣ ዘቅዝቆ መስቀሉን፣ ካህን በድንጋይ ወግሮ መግደሉን ፣በአዲስ አበባ፣ በቡራዮ፣  በሃረር፣ በሻሸመኔ ወዘተ፡ የተፈጸመውን፤  እስቲ እንደ ሰው ፤ ሰው  በገንዛ ወገኑ ላይ ይፈጽመዋል ማለት ይቻላል ወይ? ለዚህም ነው ትግላችን  ለድል እንዲበቃና ኢትዮጵያንና ኢትዮጵያዊነታችን ለመታደግ  ከፈለግን ቅድሚያ  የገዥዎቻችንን ማንነት ጠንቅቀን ማወቅ አለበን የምለው። አሁን በጎንደር፣ በጎጃም፣ በወሎና በሸዋ  ህዝባዊ ትግል ተጀምሯል። መነሻው ''የአማራን ልዮ ኃይልና ፋኖን ትጥቅ ማስፈታት '' በሚል ይጀምር እንጅ፤   የተሰራፋው ጭቆና፣ ኢ-ፍታዊነትና  ተረኝነት መላውን የኢትዮጵያን ህዝብ አንገሽግሾታል።  አሁን ገዥዎቻችን ሕዝባዊ እንቢተኝነቱን ለመቀልበስ፤  ህዝብን መከፋፈልና የ’ርስ-በርስ ጦርነት እንዲፈጠር ከማድረግ ወድ ኋላ  አይሉም ።   በዋናነት የገዥዎቻችን ማንነትና የሚጠቀሙበትን የተለመደ ''በብሔር''  የደም -ፓለቲካ የተካኑ መሆናቸን ተገንዝበን ፤  ህዝባዊ አምቢተኝነቱ የመላው ኢትዮጵያዊ መሆኑን ሳንታክትና ሳንዘናጋ ማስረዳት፤ ብሎም   ከአገር ውጭም ያለው  ኢትዮጵያዊ  በተናበበና በተደረጀ መንገድ  አቅጣጫ መስጠት ከሁላችንም ይጠበቃል። በዚህ አጋጣሚም የኢትዮጵያ መከላከያ ሠራዊት ቆም ብሎ እንዲያስብና በወገኑ ላይ አንዳይተኩስ ''ፓለቲካውን ለፓለቲከኞች'' እንዲተው በየአጋጣሚው ማስገንዘቡ ተገቢ ነው። አሁን ያለው ትግል የህልውና ትግል ነው። ገዥዎቻችን ኢትዮጵያና ኢትዮጵያዊነትን የምናጠፋው አሁን ነው ብለው አስረግጠው  ነግረውን እየተገበሩት ነው።  ስለዚህም ተደራጅቶ ፤  ለትግሉ የሚያሰፈልጉትን አግባብነት ያላቸውን ፣ የሰው ኃይል፣ ኢኮኖሚ፣ ሞርል፣ ፓለቲካዊ ንቃትና ድጋፍ፣ ማህበራዊ መገናኛን በአገባቡ መጠቀምን  በማቀናጀት ታሪክ እንስራ። ኢትዮጵያ ብዙ መከራዎችን አልፋ ከዚህ የደረሰሽ አገራችን ናት። የሁላችን-ለሁላችን የሆነች ኢትዮጵያን  ከተሰራፋባት የጎሰኝንትና የመንደርተኝነት  አዙሪት የማሻገርና ለመጭው ትውልድ  የማስረከብ  ታሪካዊ አደራ አለብን። እኛ የሚጠበቅብንን ካደረግን ደግሞ እግዚአብሔርም አያሳፍረንም። ቅድመ አያቶቻችንና አባቶቻችን እላሳፈራቸውም። እኛንም አያሳፍረንም። ኢትዮጵያ ለዘላለም ትኖራለች!!! ፊልጶስ ሚያዝያ 1/2015 E-mail: philiposmw@hotmail.com

https://www.youtube.com/watch?v=VUCSO_KEN4I

ሂስ ዘ መጽሐፍ “ፍኖተ ዐማራ፡ በፕ/ር ግርማ ብርሃኑ 2015 ዓ/ም” በዳመና ዝናቡ ጎርፉ  ሂስ ስጽፍ አቃቂረኛ፥ አላጋጭ እና አሽሙረኛ ነኝ። እና አንድን ጽሑፍ አንብቤ ስጨርስ አቃቂር...

እንደ ቱትሲ የኾነው የአማራ ሕዝብ ያለው ብቸኛ አማራጭ እንደ ፖል ካጋሜ መሆን ነው!      አቻምየለህ ታምሩ ከታች በስተ ግራ በኩል የሚታየው ፎቶ በሩዋንዳ በመንግሥትነት ተሰይሞ የነበረው...