አለማችንን የኮረና ቫይረስ እንዴት እያደረጋት ነው ?አጫጭር መረጃዎች፦
ሳምሶም ጌታቸው
ኢትዮጵያ በ24 _ሰአት ውስጥ በተወሰዱ 965 ናሙናዎች በኮሮና ቫይረስ የተያዙ ሰዎች አለመኖራቸው ተረጋግጧል ። አዲስ የሟች ቅጥር ያልተመዘገበ ሲሆን 116 ሰዎች በቫይረሱ መያዛቸው ተረጋግጧል።
በጁቡቲ በኮሮና ቫይረስ የተያዙ ሰዎች ቁጥር 974 ሲደርስ አጠቃላይ በቫይረሱ የሞቱ ሰዎች 2 ሲሆኑ ከ183 በላይ ደግሞ ከቫይረሱ ማገገምቸው ተገልጿል።
– በኬንያም በኮሮና ቫይረስ የሞቱ ሰዎች ቁጥር 18 ሲደርስ አጠቃላይ በቫይረሱ የተያዙት ደግሞ 303 ደርሰዋል። 83 ደግሞ ከበሽታው ማገገም ችለዋል።
– በሳውዲ አረቢያ በኮሮና ቫይረስ የተያዙ ሰዎች ቁጥር 12,772 ደርሷል። ባለፉት 24 ሰዓት ብቻ 1,141 ሰዎች በቫይረሱ ተይዘዋል። በሌላ በኩል ተጨማሪ 5 ሰዎች መሞታቸውን ተከትሎ አጠቃላይ የሟቾች ቁጥር 114 ደርሷል።
– በጀርመን 800 ካሬ ሜትር ስፋት ያላቸው የንግድ ተቋማት ፣ የመኪና እና ብስክሌት ሱቆችና የመጻሕፍት መደብሮች እንደገና መክፈት ጀምረዋል። ምግብ ቤቶችና የመዝናኛ ስፍራዎች አሁንም ላልተወሰነ ጊዜ ዝግ እንደሆኑ ይቆያሉ።
– በፈረንሳይ ተጨማሪ 544 ሰዎች መሞታቸው ሪፖርት ተደርጓል። አጠቃላይ የሟቾች ቁጥርም 21,340 ደርሷል።
– በፓኪስታን በረመዳን የፆም ወቅት መስጂዶች ተከፍተው ይቆያሉ። ነገር ግን በመስጂዶች ውስጥ የሚከናወኑ ሃይማኖታዊ ስርዓቶች አካላዊ ርቀትን (2 ሜትር ርቀት) በጠበቀ መልኩ እንዲከናወን ማሳሳቢያ ተሰጥቷል።
– የፓኪስታኑ ጠቅላይ ሚኒስትር ኢምራን ከሃን በተደረገላቸው ምርመራ ከኮሮና ቫይረስ ነፃ መሆናቸው ተረጋግጧል።
– በጣልያን ባለፉት 24 ሰዓት 437 ሰዎች መሞታቸው ሪፖርት ተደርጓል። ተጨማሪ 3,370 ሰዎች በቫይረሱ ተይዟል።
– በአሜሪካ በ24 _ሰአት ውስጥ 1700 ሰዎች መሞታቸው ታውቋል። ጠቅላላ የሟቾች ቁጥር ከ46,000 በልጧል። በሀገሪቱ በቫይረሱ የተያዙ ሰዎች ቁጥር ከ831,000 በልጧል።
– በሩዋንዳ በኮሮና ቫይረስ የተያዙ ሰዎች 154 ደርሰዋል። ባለፉት 24 ሰዓት 1,038 የላብራቶሪ ምርመራ ተደርጎ 3 ሰዎች በቫይረሱ መያዛቸው ተረጋግጧል።
– ቻይና በኮሮና ቫይረስ የተያዙ ተጨማሪ 10 ሰዎችን ማግኘቷን አስታወቀች። የሀገሪቱ የጤና ሚኒስትር እንዳስታወቀው ከአስሩ ስድስቱ ከውጪ ሀገር የገቡ ናቸው ብሏል። ሆኖም በቫይረሱ የሞቱ ሰዎች ግን አለመመዝገቡ ተገልጿል።
– በኢንግላንድ በኮሮና ቫይረስ ምክንያት ተዘግተው የነበሩ ትምህርት ቤቶች በመጪው ሰኔ ወር መልሰው ይከፈታሉ ተባለ።
በሀገሪቱ አጠቃላይ በቫይረሱ የተያዙ ሰዎች ቁጥር ከ133 ሺ ያለፈ ሲሆን ከ18 ሺ የሚበልጡ ሰዎች ደግሞ ህይወታቸው አልፏል።
– በመላው ዓለም በኮሮና ቫይረስ የተያዙ ሰዎች 2,614,803 ደርሷል። 182,467 ሰዎች ሞተዋል። 714,319 ሰዎች አገግመው ከሆስፒታል ወጥተዋል።