ባለቤቱን እና ልጁን ጎብኝቶ ከመመለስ ባለፈ ከእስር ተፈትቶ የማያውቀው ጀግናው እስክንድር ነጋ ....!!!

---

ታላቁ እስክንድርን ገዢዎች ለዘመናት በተደጋጋሚ  ሲገፉት ቢቆዩም እስኬው ግን ፣ ከቅንነት ወርዶ በጥላቻ ሲለወስ አታየውም። ስታስረው ኖረህ ስታበቃ እሱ ግን ወኔው  በልጦና በርትቶ ላንተ ራሱ ሲተርፍ ታየዋለህ። ያጎነብሳል ብለህ ስታሳድደው ብትኖር ልቡ ተራራ ሆኖ ስነ ልቦናው ጭራስ ገዝፎና ፣ ጠንክሮ ታገኘዋለህ  !!

አምባገነን መንግስታት ገድለው ይጥላሉ ፣ አስረውም ያሰቃያሉ  ህዝቡ ደግሞ ሲደፍር ያምጻል ፤ ሲፈራ እያለቀሰ ያደፍጣል ፣ እንደ #ታላቁ_እስክንድር_ነጋ አይነቱ ጀግና  ደግሞ ለወገኖቹ ነፃነት ሲል ከፊት ሆኖ መከራና ስቃይን ይቀበላል ፣ እራሱን አሳልፎ ይሰጣል ። አዎ የእስክንድር ስለንቦና በአሸናፊነት እንጂ በአልቃሻነት ላይ የተመሰረተ አይደለም ።

ዛሬም እስኬው በእሰር ላይ ቢሆንም ድል ለዲሞክራሲ በሚል ርዕስ  ከቃሊቲ የወጡ ስብስብ ፅሁፎቹን አሳትሞ ለገበያ አቅርቧል ።  መፅሀፉን ገዝቶ ማንበብ እስክንድርን በአካል ቃሊቲ ሔዶ የመጠየቅ ያክል ነውና በእድሉ ተካፋይ እንሁን  !!