የብርሃኑ ነጋ ተቃርኗዊ የፖለቲካ - የአስተሳሰብና የማንነት ቀውስ!!! (ጋዜጠኛ ምናላቸው ስማቸው)

---

” በአማራ ላይ የተፈፀመ የዘር ማጥፋት ወይም ጭፍጨፋ የለም” ፕሮፌሰር ብርሃኑ ነጋ

* በአሁኑ ምርጫ የብርሃኑን ፓርቲ ከመምረጥ ብልፅግናን መምረጥ ይሻላል፤ ምክንያቱም ሁለቱም ያው ስለሆኑ የስም እንጂ የግብር ልዩነት የላቸውምና !

በአንድ ወቅት ፕሮፌሰር ብርሃኑ ነጋ ወደ ቢሮ መጥቶ የኢሳት ጋዜጠኞችን ማነጋገር እፈልጋለሁ ብሎ ሰበሰበን::

ብርሃኑ ነጋ “በኢሳት አሰራር ላይ የግሌን አስተያየት ለመስጠት እፈልጋለሁ “በሚል ገለልተኛ መስሎ የጠራው ስብሰባ ነበር::

ስብሰባው ሲጀመር ፕሮፌሰር ብርሃኑ ነጋ የኢሳትን የወቅቱ አሰራር በመተቸት ተቋሙ በዚህ ከቀጠለ በ6 ወራት  ውስጥ ሊዘጋ እንደሚችል  በማስፈራራት ዛተብን::

ይህም የኢሳቱን የዲሲ ቢሮ ለመዝጋት የነበራቸውን ሴራ በገደምዳሜ እየነገረን ነበር::

በዚህ አጋጣሚ “በላ ልበላሃ ” በተሰኘው የኔ ፕሮግራም ላይ ስለሚቀርቡ ሰዎች አሉታዊ አስተያየት መስጠት ጀመረ::

ከነዚሁም መካከል :-

1- አቶ ያሬድ ጥበቡ

2-ዶ/ር ፍስሐ እሸቱ እና

የመሳሰሉ ሰዎች ለምን ኢሳት ላይ ታቀርባላችሁ ?  በማለት ወደ እኔ እያየ ቅሬታውን ለመግለፅ ሞከረ:: በውቅቱ እነዚህን ሰዎች ያቀረብኩት እኔ ነበርኩ::

በጣም ገረመኝና ” ለምን ? ” የሚል ጥያቄ አቀረብኩለት:: በደፈናው “የሚረቡ ሰዎች አይደሉም “በማለት መለሰልኝ::ለጥያቄየ የሚያረካ መልስ ስላልሰጠኝ ደግሜ ማብራሪያ ጠየቅኩት::

ኢሳት ነፃ ሚዲያ በመሆኑ የፖለቲካ ሰዎችን አመለካከት ማስተናገድ እንጅ ” ለምን እኛ እንፈርጃቸዋለን ” ስል ርእስ ከፈትኩ:: “እንደምትላቸው ከሆኑም አይረቡም ማለት ያለበት አድማጭ ተመልካቹ ነው እንጅ እንዴት ሚዲያ ላይ አታቅርቡአቸው ይባላል ” ስልም ተከራከርኩ::

ለዲሞክራሲ እና ለነፃነት የሚታገል ሚዲያ ለምን በሰዎች ላይ ገደብ ይጥላል? አንተስ እንዴት እንዲህ ልትል ቻልክ እያልኩ አከታትየ ጠየቅሁት::

 “ለዲሞክራሲና ለነፃነት እታገላለሁ እያልክ አፈናን እንዴት ታበረታታለህ ” በሚል ስሜት ነበር ዶር ብርሃኑን የጠየቅኩት ::

በዚሁ አጋጣሚም ዶ/ር ታየ ወልደሰማያትና አቶ ልደቱ አያሌው በኢሳት ላይ ኢንተርቪው ማድርግ ፈልጌ እነሲሳይ አጌና  እንዳልፈቀዱ ነገርኩት::

ዶር ብርሃኑ ገልመጥ እና በስጨት ብሎ “ጭራሽ እነሱንም ልታቀርብ ፈልገህ ነበር? “በሚል ስሜት ርዕሱን ጨርሶ ለመቀየር ሞከረ::

መልሱን እንደምጠብቅ በማሳወቅ ሁሌም እንደምለው  “ጉዳዩን እንደ ቅድመ ምርመራ (Sensorship) ወይም አፈና አድርጌ እንደምቆጥረው አስረግጬ ተናገርኩ::

ዶር ብርሃኑም ምንም ትኩረት ያልሰጠው በመምሰል ” በነገራችን ላይ ሰዎቹ ስለማይረቡ ነው እንጅ አመለካከታቸውን ፈርቼ አይደለም” በሚል ሊያድበሰብሰው ሞከረ:: ሰዎቹን የሚጠላው ግን የፖለቲካ ባላንጣዎቹ አድርጎ ስለሚቆጥራቸው መሆኑ ገብቶኛል::

ወዲያውኑም ስለ ዶር ብርሃኑ ማሰላሰል ጀመርኩ:: ቀደም ሲል “የኢትዮጵያ ሀገራዊ ንቅናቄ ” ብሎ በመሰረተው ስብስብ  ውስጥ ከኦሮሞ ዲሞክራሲያዊ ግንባር /ኦዴግ / እና ከአፋር ነፃነት ፓርቲ መሪዎች ጋር እየተፈራረመና እየተላላሰ ” የአማራ ተወካዮች ግን ብሄርተኞች ስለሆኑ መጋበዝ የለባቸውም ” ማለቱን

አስታወስኩ::Double standard!!

እኔንም በተመለከተ በአሉባልታ የሚሰማውን  ይዞ “የአብን ተወካይ ነውና ተጠንቀቁት ” እያለ ለኢሳት ማኔጂንግ ኤዲተሮች መመሪያ እንደሚሰጥ አውቅ ስለነበር  በወቅቱም ፀረ አማራነቱን መገንዘብ ችየ ነበር:: በዚያ ስብሰባችን  ጊዜ ደግሞ ዶር ብርሃኑ ፀረ ዲሞክራቲክ አመለካከት እንዳለው ተገነዘብኩ::

በወቅቱ በነበረው አጋጣሚ ስለ ብርሃኑ ነጋ ማንነት በደንብ እንድገነዘብ አደረገኝ:: ሰውየው እውነትም ፀረ አማራ እና ፀረ ዲሞክራሲያዊ  መሆኑን::

ያኔ በውስጤ የተሰማኝ  ” ይህ ሰው ለኢትዮጵያ ነፃነት እታገላለሁ እያለ ለካ ለስልጣን የሚቋምጥ ሰው ነው ?” የሚል ነበር::

“እንዴት እንዲህ አይነት ሰው ይህን አመለካከት ይዞ ሀገር ሊመራ ይችላል ? ” በሚልም በፊት ስለሱ የነበረኝን በጎ አመለካከት በመቀየር ውድቅ አደረግኩት::

በዚህ አጋጣሚ በሱ ላይ የተሳሳተ በጎ ምስል ይዛችሁ “ብርሃኑ ” ኢትዮጵያን ሊያድን ይችላል “ብላችሁ ለምታስቡ ኢትዮጵያዊያን ወገኖቼ አንድ ቁምነገር ልንገራችሁ::

በአሁኑ ምርጫ የብርሃኑን ፓርቲ ከመምረጥ ብልፅግናን መምረጥ ይሻላል:: ምክንያቱም ሁለቱም ያው ስለሆኑ ልዩነት የላቸውምና ::

እውነት እውነት እላችሁአለሁ

 “ብርሃኑ ነጋ ለወንበር የቋመጠና ዘጠኝ ፓርቲ የቀያየረ የስልጣን ጥመኛ ስለሆነ ሀገርን አይጠቅምም:: – አትምረጡት!!!

“አማራ መጤ ነው ! አማራ ሰፋሪ ነው

አማረ በዘሩ ተለይቶ አልተጨፈጨፈም ” የሚል ቀጣፊን በኢትዮጵያ የፖለቲካ መድረክ ላይ ማየት አንፈልግም::