የብልጽግናው አካሄድ ወደፊት ኢትዮጲያዊ መልክ ያለውን ከተማ ሙሉ ለሙሉ የማጣት ስጋት ያሳድራል...!!! (ምኒልክ ሳልሳዊ)

በፖለቲካና የኢኮኖሚ አሸጥር ተብትቦ …. የየትኛው አገር መንግስት ነው የዜጎቹን ሰላም የሚነሳው ? የየትኛው አገር የመንግስት መዋቅር ነው ታጣቂዎችን እያስታጠቀና በሎጀስቲክ እየረዳ የሃገርንና የህዝብን ደሕንነት ዋስትና የሚያሳጣው ? መንግስት ሃገር ማስተዳደር አልቻለም። ባለስልጣናት ሕዝብን ከፖለቲካና ኢኮኖሚ አሻጥር ውጪ እንደ አገልጋይ መምራት አልቻሉም።

መንግስት ከሚያስተዳድረው ይልቅ የማያስተዳድረው የኢትዮጵያ ክፍሎች ይበልጣሉ። በስርዐት አልበኞችና በሕገወጥ ታጣቂዎች ተወረናል። ……. በየትኛው አገር ነው የሕግ የበላይነትን ያላረጋገጠ መንግስት ስለ ሰላምና ልማት የሚሰብከው። ስርዐት አልበኝነትንና ሕገወጥነትን የሚፈጥሩ ባለስልጣናትን ታቅፎ ሕዝብን እያሸበሩ የሚኖሩ ባለስልጣናትን ተሸክሞ የሚያስተዳድረውን አገር የጦርነት ቀጠና ያደረገ መንግስት የለም።

በየቀኑ የምንሰማው ዜናኮ የሕዝብ ሰላምና ደሕንነት መደፍረሱ አገር በተኩስ መናወጡንና የዋጋ ንረት የህዝብ መፈናቀል ብቻ ነው። ሕዝብ ሰላማዊ ዜና መስማት ናፍቆታል። በመንግስት ሚዲያዎች የሚተላለፉ የውሸት ክምሮች የመንግስትን እኩይ ገበና ከማጋለጥ አልዘለሉም። በተራዉ ዜጋና በባለስልጣናት፣ በድሆችና ሐብታሞች መካከል የሚታየዉ እጅግ የሰፋ የኑሮ ተባለጥ ችግረኞች የአመፅና ዘረፋ አማራጭን እንዲያማትሩ እያስገደደ ነዉ። ኢትዮጵያ ዉስጥ ከጊዜ ወደ ጊዜ እየናረ የመጣዉ የመሰረታዊ ሸቀጦች ዋጋ ሕዝቡን ክፉኛ እያስጨነቀ፣ አንዳንዶችን ደግሞ ለተመፅዋችነት እየዳረገ ነዉ። ይህ ችግር የባለስልጣናት የአስተዳደር ውጤት እንጂ ሃገርና ሕዝብ የፈጠረው ችግር አይደለም።

የመንግስት ባለስልጣናት በኦሮሚያ ክልል እያስታጠቁ ንፁሃንን ከማስገደልና ከማፈናቀል አልበቃ ብሏቸው ወደ ደቡብ ክልል በመግባትም ህዝብን እያስገደሉ እያፈናቀሉና ንብረት እያወደሙ ነው። በመንግስት ባለስልጣናት የሎጀስቲክ አቅርቦት የሚደረግላቸው ታጣቂዎች አንዴ ዞን አንዴ ክልል እንሁን በሚል ህዝብን በታጠቁት መሳሪያ እየፈጁ ነው። ይህ ደግሞ መንግስት የሚከተለው የፖሊሲ ውጤት አንዱ ማሳያ ነው። ደቡብ ክልል የደራሼ ልዩ ወረዳ በዞን ደረጃ እንዲዋቀር ፍላጎት አላቸው የተባሉ ታጣቂ ኃይሎች ጥቃት ፈፀሙ…. ታጣቂዎች እየተኮሱ ወደ መንደሩ በመዝለቅ ቤቶችን ማቃጥል ሲጀምሩ … በደረሰ ጥቃት ከ32ሺ በላይ ነዋሪዎች ተፈናቀሉ፡፡ የሚል ዘገባ ያደመጥነው ዛሬ ነው። ይህ የመንግስትን የፖሊሲ ደካማነት ያሳያል።

መንግስት ከሚያስተዳድረው ይልቅ የማያስተዳድረው የኢትዮጵያ ክፍሎች ይበልጣሉ። በስርዐት አልበኞችና በሕገወጥ ታጣቂዎች ተወረናል። የሚገርመው የመንግስት መዋቅሩ ከነዚህ ስርዐት አልበኞች ጋር የፈጠረው ኝኑነት ነው ሕዝብን እየጎዳው ያለው። አዲስ አበባ ላይ ተቀምጦ በመግለጫ የሚያወራው መንግስት በተግባር ዘምቶ ስርዐት አልበኝነትንና ሕገወጥነትን የማጥፋትና ዜጎች በሰላም የመኖር መብታቸውን ሊያረጋግጥ ግዴታ አለበት ። ብልጽግና ላይ ነን ! ሃገርን እያቃጠለ ነው !