ለመላው ኢትዮጵያውያን
ለአማራ ክልል መንግስት…!
ሰርካለም ፉሲል
እስክንድር ዘመኑን ሙሉ አንድ ቀን እንኳ እፎይ ሳይል ቤቱንና ልጁን ከሃገርና ሕዝብ አይበልጥብኝም ብሎ ሲከፍል ስለኖረው መስዋዕትነት ሁሉም የሚያውቀው ጉዳይ ነው::
እስክንድር በሃገሪቱ ለመጣው ለውጥ የእራሱን አሻራ ያኖረ ቢሆንም በግርግር ስልጣን የያዘው ተረኛውና ዘረኛው የኦሮሙማ መንግስት ሰላማዊና ሕጋዊ በሆነ መልኩ እስክንድር የሚያደርገውን ትግል እንዲያካሂድ እድል ነፍጎታል:: በሕይወትም እንዳይቆይ ለማጥፉት የነበረውን እቅድ እስክንድር አስቀድሞ በማወቁ ከከተማ ተሰዶ በገጠር እንዲቀመጥ አስገድዶት ቆይቷል::
በዛሬው እለት በአማራ ክልል ልዩ ሃይል እስክንድር መታሰሩን ተረጋግጧል:: መታሰር ለእስክንድር አዲስ ባይሆንም የአማራ ክልል መንግስት ለዘረኛውና ለተረኛው የኦሮሙማ የፌዴሬራል መንግስት አሳልፎ እንዳይሰጠው በጥብቅ አደራ ማለት እፈልጋለሁ::
የኢትዮጵያ ሕዝብ በተለይም መላው የአማራ ሕዝብ ፣ ዋጋ የከፈለለት የአዲስ አበባ ህዝብ እስክንድር ለገዳዮች ተላልፎ እንዳይሰጥ ያለቅድመ ሁኔታም በነጻ እንዲለቀቅ በሚቻለውና ባለህ አቅም እንድትረባረብ እንጠይቃለን::