እስኪ ዛሬ እንኳን ስለ እነ ኡስታዝ አቡበከር ንጽህና እውነቱን ተናገሩ!
ውብሸት ሙላት
እንደው እነ ሲራጅ ፈጌሳ (ለዲናቸው ሲሉ)፣ ኃይለማርያም ደሳለኝ (በኑዛዜ መልክ)፣ዶ/ር ወርቅነህ ገበየሁ (ስለተደመሩ)….. ስለ እነ ኡስታዝ አቡበከር ንጽህና አሁን ላይ እንኳን እውነተቱን ተናገሩ! የእነ አቡበከርን ንጽህና ከእናንተ በላይ የሚያውቅ ያለ አይመስለኝም።
እስኪ አሳሳ (አርሲ) የሞተ ፖሊስ ነበር ወይ? አንዋር መስጊድ ላይ ወረቀት ሲበትን ተያዘ የተባለው የውጭ ዜጋ እና የዕለቱ ዕለት ወደ ውጭ deport መደረጉን በኢቲቪ የተዘገበውን ሰው እውነት እነ አቡበከር ነበሩ ወይ ያመጡት? ለምን ማታ ላይ ተመልሶ እንዲወጣ ተደረገ የእውነት ቢሆን ኖሮ? ነገሩ ብዙ ነው። ግን እውነት ነጻ ታወጣለችና እነ ኡስታዝ አቡበከር ነጻ ናቸው አሁን ላይ።
ለማንኛውም የሽብር ተግባር ሳይሆን የፈጸሙት እጅግ ጥንቃቄ የተሞላበት ሰላማዊ ድርጊት እንደነበር ታውቁት ነበር። አሸባሪ ስላልሆኑ ይኸው ከጠቅላይ ሚኒስትር ዶ/ር ዐቢይ ጋር በቤተ መንግሥት!
እውነትም ፍቅርም አሸናፊ ነው።