ሀገር የሚከፈልለት የክብር ዋጋ አለ፤ እሱን የክብር ዋጋ እስክትከፍል ሀገር አይኖርህም…!!!
ሸንቁጥ አየለ
ኢትዮጵያዉያን ሀገር እንዲኖራቸዉ ተባብረዉ ለመስራት ፈቃደኛ እስካልሆኑ ድረስ በጎሳ ስም የተደራጁ አክራሪ ሀይሎች የጎሳችን ነዉ ከሚሉት መሬት/ክልል/አካባቢ ላይ ሲያባርሯቸዉ በደስታ መቀበል አለባቸዉ::የሀገር ባለቤትነት ዝም ብሎ አይገኝም::
አክራሪ ጎሰኛ ሀይሎች ሲደራጁ መነሻቸዉም ሆነ መድረሻቸዉ ግቡ አንድ ብቻ ነዉ::የነሱን ጎሳ ጠቅመዉ ሌላዉን ማህበረሰብ ማጥፋት/መግፋት ነዉ::
አዲስ አበባ ላይ የሚኖረዉ ኢትዮጵያዊም የሚጠብቀዉ ይሄዉ ነዉ::በመላ ሀገሪቱ እጅግ ብዙ ሚሊዮን ህዝብ በጎሰኞች ሲባረር እና ሀገር አልባ ሲደረግ ቆሞ ከመዋጋት ይልቅ እሮሮ እያሰማ በመሸሽ ጎዳና ላይ ወድቆ በበሽታ አልቋል::
በመሸሽ የትም መድረስ አይቻልም::ባልህበት ቆመህ ለህልዉናህ መዋጋት የመጀመሪያዉ እርምጃ ነዉ:: በሁለተኛ ደረጃ ግን ኢትዮጵያዉያን ሀገር እንዲኖራቸዉ ከፈለጉ ለሀገር የሚገባዉን ክብር መክፈል አለባቸዉ::
አክራሪ ጎሰኞችን በማባበልም ሆነ በመካደም ወደ ሰዉነት ደርጃ ማሳደግ አይቻልም::አክራሪ ጎሰኞች የሚያስቡት እንደ ጎሳ እንጂ እንደ ሰዉ ልጅ አይደለም::ታሪክ በመተንተን እና በማጣቀስ: ወንድማማችነት በመስበክ: ሳይንሳዊ ያጋራ እድገትን በመተንተን ለአክራሪ ጎሰኞች ማስረዳት ታላቅ ጅልነት ነዉ::ተዋልደናል ተጋብተናል አንድ ህዝብ ነን የሚለዉ ትረካ ሁሉ ያስቃቸዋል እንጅ ከቶም አያሳምናቸዉም::
የቀደሙት ሀገር የሰሩ አባቶች በዘመናቸዉ አክራሪ ጎሰኞች/ብሄረተኞች አልነበሩም ማለት አይደለም:: በዚህ በእኛ ዘመን ከተነሱት. ህዉሃታዉያን/ኦህዸዳዉያን/ኦነጋዉያን/
የሀገር ባለቤትነት ዝም ብሎ አይገኝም:: ሀገር የሚከፈልለት የክብር ዋጋ አለ::እሱን የክብር ዋጋ እስክትከፍል ሀገር አይኖርህም::