ዶ/ር ይልቃል ከፋለ ስለወገናቸዉ የተሰዉ ጀግኖችን አንረሳም ያሉት ነገር እዉነት ከሆነ ይሄዉልዎት አቋራጩ መፍትሄ (ሸንቁጥ አየለ)

---

————–

ዛሬ የሰጡት መግለጫ ግን ጥቂት ስሜቴን ስቦኛል::ለህዝባችን  ክብር የተሰዉ ጀግኖችን አንረሳም ብለዋል::እዉነት ከሆነ በጣም ደስ ይላል::የአማራ ክልል አመራር:የብአዴን ባለስልጣናትን ስነልቦና በደንብ አዉቀዋለሁ::ዳተኛ ብቻ ሳይሆኑ  አድፋጭ እና አቀርቃሪ :የራሳቸዉ ጓዳ እስካልጎደለ ቀጥሎ ያለዉ ጎረቤታቸዉ ቤት ስለሚመላለሰዉ መቅሰፍታዊ ድህነት ግድ የማይሰጣቸዉ ናቸዉ::ለዛሬ እርስዎን ከዚያ ቡድን አወጣዎታለሁ::ይሄን የገቡትን ቃል ያልፈጸሙ እንደሆነም መልስሼ እዚያዉ ዝርዝር ዉስጥ አካትትዎታለሁ::

———

እንግዲህ የተሰዉ የጀግኖችን ቤተሰቦች  በዬወረዳዉ : በየዞኑ ያለዉ የብአዴን አመራር ግዴለሽ እና እጅግ እራስ ወዳድ ስለሆነ አይረዳቸዉም::ፕሮፖጋንዳዉን ግን እየተዉረገረገ እንደሚነፋ እርግጥ ነዉ::ያዉም አንገቱን እያረዘመ:ጣቱን እያፍተለተለ : ነገር እየሰበቀ ነዋ::

—–

እና ምን ይሻላል ብለዉ መጠዬቅዎት አይቀርም::

መፍትሄዉ በጣም እጅግ በጣም ቀላል ነዉ::

—-

የራስዎት ቢሮ የሚቆጣጠረዉ : ለተሰዉ ጀግኖች ቤተሰቦች ብቻ የሚዉል የጎፈንድ ሚ በራስዎት የቢሮ ሰዎች ይከፈት::በአፋጣኝም የተሰዉ ጀግኖች ዝርዝር ተጠናክሮ ከጎፈንድ ሚዉ ጋር ይዙር::

–ወደ ሀገር ቤት እንዲገባ ጥሪ የተደረገለት ዲያስፖራም እያንዳንዱ አንድ ዶላር/ሁለት ዶላር እንዲያዋጣ ለመላዉ ዲያስፖራ በዬአድራሻዉ እንዲደርሰዉ ይላክለት::

–በተመሳሳይም ደረጃ የራሳችሁ የመንግስት ሚዲያ የሚባሉ በማህበራዊ ሚዲያ እና በዩቱዩብ እንዲለቁት መንግስት ተብዬዉ/የኔ ነገር እረስቸዉ ለካ የራሳችሁ መንግስት ነዉ????/ አቅጣጫ ይስጥበት::

–ህዝቡም የማህበራዊ ሚዲያ አንቂዉም ጋዜጠኞችም በአጠቃላይ የምትከፍቱትን ጎፈንድ ሚ እንዲያሰራጭ በራስዎት አንደበት በአክብሮት ይጠይቁ

—–

እንኳንስ መላዉ አማራ : መላዉ የኢትዮጵያ ህብዝ ለጀግኖቹ ቤተሰብ ያዋጣል::

የኢትዮጵያ ህዝብ ፍትህ አሳቢ ህዝብ ነዉ::የበሽታዉ ምንጭ የነገድ ፖለቲካ ተሸክመዉ ያመጡበት የፖለቲካ ድርጅቶች እንጂ::ስለሆነም የተሰዉ የጀግና ቤተሰቦችን የኢትዮጵያ ህዝብ በአንድ ሆኖ ይንከባከባቸዋል ለማለት ነዉ::

——-

ቁልፍ ነጥብ:-የሚከፈተዉ ጎፈንድ ሚ በራስዎት ቢሮ ቁጥጥር ስር መሆን ይኖርበታል::

—–

ይሄን ያደረጉ እንደሆነ ቢያንስ በወለጋ የአማራ ህዝብ ሲያልቅ ቆመዉ እየተመለከቱም ቢሆን ለወገን የተሰዉ ጀግኖች ቤተሰቦች መከራ እንዳይደርስባቸዉ ማድረግ ይችላሉ::

—-

በተሰበሰበዉ ገንዘብም በሚመረጡ ማዕከላዊ ወረዳዎች/ ወይም የተሻለ አማካይ ስፍራዎች/  በጀግኖች ቤተሰቦች የሚቋቋም በሼር ካምፓኒነት የሚፈጠር ቋሚ የገቢ ማስገኛ ቢዝነስ ወይም ደግሞ የተሻለ በጥናት የተረጋገጠ ቋሚ የገቢ ምንጭ የሚሆን ድርጅት ይመስረት::

——

እኛም ቆመን አፍጥጠን እያስተዋልን ነዉ::ይሄን ቅዱስ ስራ ያደርጉት ወይም አያደርጉት እንደሆነ::ይሄንንም ነገር ያደረጉ እንደሆነ እኛም የምንችለዉን እናግዛለን::