አጨብጫቢው ዙምቢ ዳያስፖራ ዛሬ ለአቢይ ንግግር ያሰማው ጭብጨባ  (ወንድወስን ተክሉ....)

---

በዓሉ ግርማ በደርግ ግዜ በየስብሰባው በትንሽ በትልቁ ነገር የሚያጨበጭቡትን “አብዮታውያን” ተመልክቶ ‘ኦሮማይ’ ወይም ‘የቀይ ኮከብ ጥሪ’ መፅሃፉ ላይ  “አጨብጫቢ ትውልድ” ብሏቸው ነበር:: ትናንትና ቤተ-መንግስት ውስጥ በተደረገ የእራት ግብዣ ፕሮግራም ላይ አብይ አህመድ ገና ዓርፍተ-ነገሩን ሳይጨርስ ሲያጨበጭብ ያመሸውን ዳያስፖራ ቢመለከት ‘አጨብጫቢነት ዘመን ተሻጋሪ በሽታ ነው’ ብሎ በዓሉ ግርማ ይፅፍልን ነበር::

የጠቅላይ ሚንስቴሩ የኢኮኖሚ ፖሊሲ ማሻሻዎች አማካሪ ከሶስቱ ኤዲተሮች አንዱ በሆነበት Ethiopia in the Wake of Political Reforms በሚለው መፅሃፍ ላይ

የፖለቲካ ስልጣን በቅርቡ ያገኘ ማንኛውም ንቅናቄ ወይም ቡድን የመጀመሪያዎቹ ቀናቶቹን ከሚገባው በላይ ቃል መግባት:- ከዜጎቹ ቅቡልነት ለማግኘት መጣርና አብዛኛው ሰው ይቀበለዋል የሚባለውን ሃሳብ መደስኮርና መተግበር ላይ መጠመድ ያለ ሂደት ነው ይላል::

“It is only natural for any movement or group that newly acquires political power to use its early days in office to 𝚘𝚟𝚎𝚛𝚙𝚛𝚘𝚖𝚒𝚜𝚎 and attempt to buy legitimacy in the eyes of its citizens, 𝚝𝚊𝚕𝚔𝚒𝚗𝚐 𝚊𝚗𝚍 𝚊𝚌𝚝𝚒𝚗𝚐 𝚋𝚛𝚘𝚊𝚍𝚕𝚢 𝚒𝚗 𝚕𝚒𝚗𝚎 𝚠𝚒𝚝𝚑 𝚠𝚑𝚊𝚝 𝚝𝚑𝚎 𝚖𝚊𝚓𝚘𝚛𝚒𝚝𝚢 𝚊𝚛𝚎 𝚕𝚒𝚔𝚎𝚕𝚢 𝚝𝚘 𝚊𝚙𝚙𝚛𝚘𝚟𝚎 𝚘𝚏.”

ያው አብይ ሰዎችን የሚፈልጉትን ነገር እያሳየህ ወደጉድጏድ ወስደህ ጣላቸው ብሎ በመፅሃፉ የፃፈው ነፀብራቅ ማለት ነው:: በዚህ የብዙሃኑን ሃሳብ ና ቀልብ የመግዛት እሳቤ ነው አብይ አህመድ በየሄደበት ታዳሚው ምን እንደሚያስጨበጭበው በመረዳት እርስ በእርስ የሚቃረኑ ሃሳቦችን እንዲሁም ውሸቶችን እዚህም እዚያም እየደሰኮረ ሰውን ሁሉ አጨብጫቢና አሸብሻቢ አድርጎት የቀረ:: የሚገርመው ግን ይህ የመድረኩን ድባብ እያዩ መደስኮር ከመጀመሪያዎቹ የስልጣን ግዚያቶች አልፎ የአብይ መንግስት መገለጫ ይሆን ዘንድ ቀን ከቀን መደጋገሙ ነው::

በትንሽ በትልቁ:- በእውነቱ በውሸቱ:- ለሃቁ ለሴራው:- ለስድቡ ለምስጋናው ለገዥዎች የሚያጨበጭብና የሚያሸበሽብ ልሂቅ: ከተሜ: አርሶ አደር:- ቢሮክራት: ዳያስፖራ: ሚድያ ይዘን ህዝብን የሚንቅ ውሸታም መሪ እንጂ ሃገሪቱን በቅንነት እየመራ ወደ ዴሞክራሲ የሚያሻግር መንግስትና መሪ ልንፈጥር አንችልም:: የመንግስትን ስህተት ጀስቲፋይ ለማድረግ ደፋ ቀና ከማለት እንዲሁም ከአጨብጫቢነትና ከአሸብሻቢነት ተላቀው የመንግስት ሹመኞችን ስራና ውሳኔ መተቸት:- መንቀፍ:- መጠየቅ የሚችሉ ሚድያዎችና ልሂቃን:- ካድሬና ቢሮክራት ያስፈልጉናል::