ለወገን ጦር -እንቅፋት ፥ ለአሸባሪው ኃይል -ብርታት የሆኑ የብልጽግና የጦር ሕግጋት…!!!
አሳዬ ደርቤ
➔ጠላት ሲተኩስ አጸፋ መልስ። ክላሹን ተንተርሶ ሲተኛ ግን ልትጠብቀው እንጂ ልታጠቃው አይገባም።
➔የጠላት ጦር ጥቃት በከፈተበት ግንባር ተገኝቶ ከመመከት ውጭ በሌላ ግንባር ጥቃት መሰንዘር አይፈቀድም።
➔ሕዝብን ሊያፈናቅልና ንጹሐንን ሊገድል ድንበር አልፎ የሚመጣን ጠላት ምታው። መፈርጠጥ ሲጀምር ግን በክብር ልትሸኘው እንጂ ልትከተለው አይገባም።
➔ጠላት በየትኛውም ጊዜ ወደ አፋርና አማራ ክልል ዘልቆ ወረራ ሊፈጽም ይችላል። የወገን ጦር ግን ወራሪን ጠራርጎ ከማስወጣት ባለፈ ድንበር አልፎ መዋጋት አይችልም።
➔የወገን ጦር በጠላት የትግል ሰሌዳ ከመንቀሳቀስ ውጭ የእራሱን እቅድ አዘጋጅቶ ያልታሰበ ጥቃት መሰንዘር አይፈድለትም።
➔አሸባሪ ሃይል የወንበርና የሸገር ሥጋት መሆኑ ካልተረጋገጠ በቀር ከተከላካይነት ወደ አጥቂነት መሸጋገር አይቻልም።
➔አሸባሪው ቡድን ሲጠነክር የጎረቤት ክልሎችን ሊያወድም ይችላል። የጠላት ጦር ሲዳከም ግን እስኪያገግም መጠበቅ እንጂ የተከበረውን ወራሪ ወርሮ ህልውናውን ማክሰም አይፈቀድም።
➔ከአሸባሪዎች ጋር በሚደረግ ጦርነት ውስጥ በየዓመቱ ጠንክሮ መታገል እንጂ ድል ማድረግ አይፈቀድም።